Aleanca për Media Etike është një grup vullnetar i mediave shqiptare të përkushtuara për të zbatuar rigorozisht Kodin e Etikës së Gazetarit. Anëtarët zbatojnë vendimet për shkelje në raportim të marra nga Bordi të Etikës, i përzgjedhur nga anëtarët e AME-s.
Misioni i Aleancës
Misioni i Aleancës për Media Etike është që të promovojë raportimin cilësor në të gjitha format, në mënyrë që t’i tregojë publikut se anëtarët e Aleancës janë burimet e besueshme të informacionit.
Objektivat
- Të fuqizojë dhe të promovojë një grup mediash të përkushtuara ndaj etikës për të bërë dallimin në publik mes mediave etike dhe atyre abuzive.
- Të gjejë mekanizma financiarë për të fuqizuar ekonomikisht mediat e Aleancës.
- Të forcojë kapacitetet e gazetarisë së mirë për të gjithë anëtarët
- Të lobojë dhe pregatisë platformën ligjore për kopirajtin në media.
